Бүгін өскемендіктер түскі үзіліс кезіндегі бір сағат уақыттарын қар күреуге жұмсады, деп хабарлайды Аltaynews тілшісі.

Үміт балалар үйінің маңындағы ойын алаңқайларын қар көміп тастағалы қай заман. 300 ден астам адам бір сағаттың ішінде әлеуметтік нысанның айналасын тап-тұйнақтай қылды.

- Еріктілер деген кімдер? Еріктілер деген мына сіз бен біз. Бүгін қар күреуге келген адамдардың арасында студенттер, қарапайым жұмысшылар, журналистер, шенеуніктер тіпті зейнеткерлер де бар, дейді ШҚО жастар орталығының директоры Арайлым Есімбекова