Бүгін ШҚО-ның қала-аудандарында қатты жел соғып, екінші ауысымда оқитын оқушылар сабаққа бармайтын болды, деп хабарлайды Аltaynews тілшісі. Бұл туралы ШҚО Білім басқармасы мәлімдеді.

Естеріңізде болса, осыдан бірер сағат бұрын бірінші ауысымдағы 1-9 сынып оқушыларына сабақ болмайды деп жазған едік. Қатты дауылдың салдарынан екінші ауысымдағы балалар да сабаққа бармайтын болды. Семейде екінші ауысымдағы 1-9 сынып оқушыларына, Ұлан ауданы Жанұзақ ауылының 1-9 сыныптарына, Қанай ауылы 1-11 сынып, Бородулиха ауданы 1-11 сынып оқушыларына сабақ болмайды.