Күршім, Көкпекті, Катонқарағай аудандары және Курчатов қаласында автобекет жоқ Бұл туралы Жолаушы көлігі және автомобиль жолдары басқармасының басшысы Нұржан Жұмаділов баяндады.

– Бородулиха ауылындағы автобекет құрылысы аяқталып, пайдалануға берілді. Сондай-ақ Шемонаиха ауданы Первомайская ауылы мен Үржар ауданы Барлық-Арасан ауылының бекеттері де ашылды. Енді Бесқарағай ауданында автобекет ашу ісі қарастырылып жатыр. Айта кетейін, қазіргі уақытта Күршім, Көкпекті, Каонқарағай аудандары мен Курчатов қаласында автобекет жоқ. Жолаушылардың қауіпсіздігін қамтамасыз ету мен оларға сапалы қызмет ету мақсатында автобекеті жоқ аудандардың әкімдеріне тез арада осы істі шешуді қарастыруды өтінемін, – деді Нұржан Жұмаділов.