Риддерде 60 пәтерлі тұрғын үйдің құрылысы басталды
![](/kz/engine/skins/images/noimage.jpg)
Биыл «Нұрлы Жер» бағдарламасы аясында кезекте тұрған азаматтарды тұрғын үймен қамтамасыз ету үшін 60 пәтерлі тұрғын үйдің құрылысы басталды, деп хабарлайды Аltaynews тілшісі.
Жаңа тұрғын үй Островский, 40 мекен-жайында орналасқан. Оның құрылысы 2020 жылы толық аяқталып, пайдалануға беріледі деп жоспарлануда.
Келер жылы 6-шы ықшам ауданында тағы 60 пәтерлі жалға берілетін үйдің құрылысын бастау жоспарда бар.
2021-2023 жылдарға арналған бағдарлама бойынша Л.Толстой көшесінің бойынан 4 үйдің құрылысына жобалау-сметалық құжаттама әзір.
Сондай-ақ, жеке тұрғын үй құрылысын дамыту үшін қаланың қолданыстағы бас жоспарымен ауданы 250 га болатын Ботаника 3-ші тұрғын ауданы қарастырылған.