Семейде алғаш рет «Салауатты ұлт-салауатты ұрпақ» атты қайырымдылық марафоны өтті, деп хабарлайды Алтайньюс тілшісі.

Шара «Семей қаласының ішкі саясат бөлімі» ММ тапсырысымен, Семей жастар Ассамблеясының ұйымдастыруымен өткізілді. Спорттық шараға 200-ден астам қала тұрғындары қатысты. Олардың ішінде мектеп оқушылары студенттер, жергілікті кәсіпкерлер мен мекеме қызметкерлері бар. Бұқаралық жүгірістің негізгі мақсаты - салауатты өмір салтын насихаттап, әлеуметтік аз қамтылған отбасыларға көмек көрсету.
Марафон Абай ескерткіші алаңынан бастау алып, қатысушылар 10 км қашықтықта жүгіріп өтті. Жеңімпаздар арнайы диплом, кубоктармен марапатталды.