Семейде  «Semey Open: Сен де бір кірпіш дүниеге...» атты үш тілде республикалық пікірсайыс турнирі өтеді, деп хабарлайды Алтайньюс тілшісі. Бұл туралы Семей қаласының Жастар ресурстық орталығы мәлім етті.

Аталмыш шараны Семей Жастар Ассамблеясы қоғамдық бірлестігі қазанның 12-13-ші жұлдызында ұйымдастырмақшы. Абай Құнанбайұлының 175 жылдығына арналған турнирге республика бойынша үздік пікірсайысшылар қатысып, қазақ, орыс, ағылшын тілдерінде өнер көрсетіп, қала әкімінің кубогіне таласады.