Өскемендегі қалалық саябақтарды қадағалау қызметіне жаңа басшы тағайындалды, деп хабарлайды Алтайньюс тілшісі.

Қаладағы негізгі саябақтар директоры қызметіне  Арсен Тен келді. Ол бұған дейін облыстық сәулет-этнографиялық және табиғи-ландшафтық музей-қорығының директоры қызметін атқарған болатын.

Бұдан бөлек жазғы спорт түрлері бойынша жоғары спорт мектебін басқарыпты. Бірақ 2017 жылы ШҚО дене шынықтыру және спорт басқармасының басшысы Асқар Можанов, Арсен Тенді қызметіне лайық емес деп танып жұмысынан босатқан көрінеді. Себеп ретінде бірден екі мәрте сотты болуын айтыпты.

Одан кейін Арсен Тен ШҚО жұмылдыру дайындығы басқармасында жұмыс істеген.