Семейдегі Пригород орта мектебінде арнаулы кадет сыныбы ашылды, деп хабарлайды Алтайньюс тілшісі.

Естеріңізде болса, Тұңғыш Президент Н.Назарбаевтың 2018 жылдың қазан айындағы Жолдауында мектептерде «Жас сарбаз» сыныптарын ашу туралы айтылған болатын. Осы бағдарлама негізінде Пригород орта мектебінің директоры Дулат Баитунов пен алғашқы әскери дайындық мұғалімі Бекболат Сәрсенбин кадет сыныбын ашуға мұрындық болған.

–      Бүгін міне «Жас сарбаз» сыныбының ашылу салтанаты өтіп жатыр, бұл шараға бастауыш сыныптың мұғалімдері мен оқушылардың ата-аналары қолдау көрсетті. Әскери бағыттағы оқу бағдарламасы түстен кейін өтеді,  – дейді алғашқы әскери дайындық пәнінің мұғалімі Бекболат Сәрсенбин.

Айтпақшы, мектеп басшылығы қаладағы екі әскери бөліммен меморандумға қол қойған.