Өскеменде мұнай базасының қызметкерлері 11 тонна дизель отынын ұрлады деп айыпталуда. Күдікке іліккендер – аға оператор мен бензовоз жүргізушісі, деп хабарлайды Алтайньюс тілшісі.

Полицияға мұнай базасының иесі шағымданған. Оның айтуынша, 27 тамыз күні сағат 20.30 шамасында 11 тонна дизель отыны жоғалған. Шығын – 2 миллион 112 мың теңге деп бағаланды.

– Полиция қызметкерлері 24 жастағы аға оператор мен 36 жастағы бензин тасымалдаушы көліктің жүргізушісін қамауға алды. Күдіктілер кінәсін мойындады, – деп мәлімдеді ШҚО полиция департаменті.

Енді сотқа дейінгі тексеру жұмыстары жүргізіледі.