12-ші тамыздан бастап Өскемендегі трамвайлардың жұмыс кестесі өзгереді, деп хабарлайды Алтайньюс тілшісі. Бұл туралы қала әкімдігіндегілер мәлім етті.

Енді қала тұрғындары мен қонақтары түн ортасына дейін қыдыра алады. Өйткені нөмірі 3-ші трамвайдың жұмыс уақыты бір сағатқа ұзартылмақ. Осыған дейін трамвайдың соңғы вагоны 22:05-те еді, жаңа кесте бойынша трамвай вагоны 23:05-те жүретін болады.

Айтпақшы, дәл осы жұмыс кестесі тек жылы мезгілде ғана болуы мүмкін.

 – Жұмыс кестесі жаз маусымына арнайылап қойылды, күн суыта бастағанда бұл сұраққа қайтып ораламыз, - дейді қала әкімдігі мамандары.