Зайсанда 30 пәтерлі көпқабатты тұрғын үй салынуда. Қазір құрылыс жұмыстары қарқынды жүргізілуде.

Аталмыш жобаны іске асыру мақсатында аудандық және республикалық бюджеттен қаражат қарастырылған. Бүгінде құрылыс жұмыстарымен Қуат Абжанов басқаратын «СМУ-Шығыс» жауапкершілігі шектеулі серіктестігі айналысуда. Ал техникалық қадағалау қызметін «ДСП СтройИнтеграция» ЖШС-нің өкілдері атқаруда.

– Құрылыстың бас жобалаушысы «Облжилкомхозстрой» ЖШС екенін атап өткен орынды, - дейді аудандық сәулет, құрылыс, тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Талғатбек Бықаев.