Өскеменде мүмкіндігі шектеулі жанның қолындағы балдағын тартып алып қашқан күдікті ұсталды, деп хабарлайды Алтайньюс тілшісі.

Жәбірленуші полицияға арызданған соң, тәртіп сақшылары істің ізін суытпай қылмыскерді қолға түсірген.

– Қазір ұсталған азамат өз кінәсін мойындады. Қылмыскер бұған дейін де бірнеше рет сотты болған. Қазір оған қатысты ҚР Қылмыстық кодексінің 191-бабы 1-бөлігі бойынша сотқа дейінгі тергеу амалдары жүріп жатыр, – деп мәлімдеді ШҚО Полиция департаментінің баспасөз қызметі.

Демек, істі болған азаматқа аталмыш бап бойынша 2000 АЕК, яғни кемінде 5 миллион теңгеге мөлшерде айыппұл салынуы мүмкін. Немесе сол мөлшерде түзеу жұмыстарына жегіледі. Сондай-ақ төрт жылға дейінгі мерзімге бас бостандығын шектеу, не бас бостандығынан айыру жазасына қарастырылған бұл бапта.