Елімізде жекеменшік автокөліктерді техникалық байқаудан өткізуді уақытша тоқтату ұсынылды. Мұндай ұсыныс осы салада жиілеп кеткен жемқорлық фактілеріне байланысты болып отыр, деп хабарлайды Алтайньюс тілшісі.

Бұл туралы 12 шілдеде Нұр-Сұлтан қаласында өткен брифингте айтылды.  «Адалдық Алаң» жоба кеңсесі техникалық байқаудан өткізудің жаңа үлгісін әзірлегенге дейін техтексеруді тоқтата тұруды ұсыныпты. Осы мәселеге қатысты қоғамдық тыңдау тамыз айында басталмақ.

Алайда Индустрия және инфрақұрылымдық даму министрлігі көлікті техникалық тексеруді тоқтату мәселесі қарастырылмағанын мәлімдеді. Ведомствоның баспасөз қызметінің айтуынша, қауіпсіздік үшін көлік мерзімді түрде техбақылаудан өтуге тиіс.