Өскеменнің Бейбітшілік көшесінде жаңа субұрқақ пайда болды, деп хабарлайды Алтайньюс тілшісі.

Жаңа субұрқақтың бейнежазбасы Instagram әлеуметтік желісінде жарияланыпты. Ол Жамбыл саябағына қарама-қарсы тұста салынып жатқан Арбатта орналасқан екен.

Субұрқаққа қатысты қала тұрғындарының пікірі алуан түрлі. Біріне ұнаса, біріне ұнамайды екен.

«Бір ай қосылып тұрады да, өшіп қалады. Қаладағы субұрқаттардың тең жартысы қараусыз тұр», «Арбатты да көпір секілді 5 жылға соза ма екен?», «Субұрқақ керек емес. Оданша балаларға арнап футбол алаңын салып бермей ме?» деген сын-пікірлер жазылуда.