Өскеменде көгалдандыру жұмыстары басталды, деп хабарлайды Алтайньюс тілшісі.

Қаланы безендіру және гүлзарларды күтіп, баптау "Көгалдандыру" жауапкершілігі шекеулі серіктестігіне тапсырылды. Мердігерлік ұйымның қызметкерлері 15-ке жуық өсімдік түрлерін екпек. Олардың қатарында: флокс, петуния, хризантема, целозия, циния және басқа да гүлдер бар.

Жоспар бойынша, 22 мың текше метр жерге гүл отырғызылады. Бүкіл қала іші гүлге оранып, одан да әсем күйге енетін болады, – дейді қала әкімінің орынбасары Тамара Рахимжанова.

Табиғаттың әдемі туындылары төмендегі аймақтарға егіледі:

– Амфитеатр;

– Қазақстан, Сәтпаев, Пермитин, Бажов, Протозанов көшелері;

– Жеңіс даңғылы бойы;

– Орталық мешіттің аумағы;

– Нұрлы Жол және Сәулетай саябақтары;

– Ушанов алаңына, Металлургтер сарайы аллеясы;

– Е.П.Славский атындағы жағалау.