Өскеменнің кей көшелеріне «40-пен» жүру белгілері қойылды, деп хабарлайды Алтайньюс тілшісі.

Бірінші жол белгісі Карбышев-Севастопольская көшелерінің қиылысында тұр. Осы тұстағы жаяу көпірден Самал саябағына өтуге болады. Онда бағдаршам жоқ. Жаз мезгілінде жүргіншілер көп болады деп күтілуде.

Екінші белгі Энтузиастов көшесіне қойылды (Молдағұлова-Прииртышская көшелерінің аралығына). Тәртіп сақшыларының айтуынша, бұл көшеде бағдаршамсыз 4 жүргіншілер жолағы бар.

Аталмыш шаралар жаяу адамдардың қауіпсіздігі үшін істеліп жатыр.