Облыс әкімі Даниал Ахметов қала және аудан әкімдерімен, сондай-ақ басқарма басшыларымен кеңес өткізді, деп хабарлайды Алтайньюс тілшісі.

Кеңесте қалалардың айналасындағы және ішіндегі жасыл белдеулер мәселесі талқыланды.

– Біз миллионға жуық ағаш отырғызуды жоспарлап отырмыз. Қала әкімдеріне көгалдандыру жоспарына түзетулер енгізуді тапсырамын. Әр қала үшін қосымша ағаштар мен бұталар отырғызылсын. Өскемен мен Семейге – 30 мың көшет. Риддер мен Алтайға – 15 мыңнан, – деді облыс әкімі.

Аймақ басшысы тұрғын үйлерді көгалдандыруға да көңіл бөлеу керектігін айтты.

– Біз оған да дайынбыз. Тұрғындардың өздері бұл бастаманы қолдайтынына сенімдімін. Олар ағаш отырғызуға белсенді қатысып қана қоймай, оларға қамқорлық жасайды, – дейді облыс басшысы.