Облыстағы бірнеше ауданға жаңа әкім тағайындалды, деп хабарлайды Алтайньюс тілшісі. Бұл туралы облыс әкімдігінің баспасөз қызметкері мәлімдеді.

Тарбағатай ауданының басшылығына Үржар ауданы әкімінің орынбасары болған Серікқазы Құсайынұлы Садуақасов сайланды. Серікқазы Құсайынұлы Садуақасов – 1961 жылы Үржар ауылында туған. Ол 1983 жылы Семей зоотехникалық–малдәрігерлік институтын тәмамдаған.

Ал Тарбағатай ауданында басшылық еткен Ділдәбек Тәжібайұлы Оразбаев Аягөз ауданына әкім болып барды. Ол бұрынғы Оңтүстік Қазақстан облысы Төле би ауданында туған. Жоғарғы оқуды тәмамдаған, экономика ғылымдарының кандидаты.

Сондай-ақ Зайсан ауданына да жаңа әкім тағайындалды. Серік Қасымбекұлы Ақтанов осыған дейін облыс әкімінің орынбасары болған еді. Ол 1960 жылы Қытай Халық Республикасында туған. Өскемен жол-құрылыс институтын және Сібір мемлекеттік жол автомобиль академиясын тәмамдаған.