ШҚО-да су тасқынының қауіпі әлі сейілген жоқ. Бұл туралы Қазгидромет мәлімдеп отыр, деп хабарлайды Алтайньюс тілшісі.

Қазгидрометтің ақпараты бойынша, 28 наурыз бен 4 сәуір аралығында Қазақстан аумағында қар жамылғысының аумағы 23 пайызға азайған. Қазір қар жамылғысы тауларда, жыралар мен ормандарда ғана сақталып отыр.

-Өзендердің сулылығы ары қарай еріген қар, жауын-шашын мен жиналған ылғал қорының су айдындарының арналарына құйылуымен белгіленетін болады, - деп көрсетілген Қазгидрометтің хабарламасында.

Сәуір айында ШҚО-да және республиканың тағы бірнеше аймағында су тасқыны болуы мүмкін екен.