ШҚО-да құтқарушылар қыс мезгіліне дайындық жұмыстарын жүргізуде, деп хабарлайды Altaynews тілшісі.

Қыста болатын түрлі төтенше жағдайлар кезінде апаттық-құтқару жұмыстарын жүргізу үшін 382 техника мен 1525 адам сақадай сай.

ШҚО ТЖД баспасөз қызметінің мәліметіне сүйенсек, жол талғамайтын 104 техника дайындалған.

- «Трэкол», «Шерп», «Вахта» сияқты жол талғамайтын техникалар бар. Сонымен қатар, құтқарушыларға арнайы иттер көмектесетін болады. Яғни, профилактикалық жарылыс жұмыстары кезінде немесе зардап шеккен жандарды іздеу жұмыстарында, қар көшкі түскен жағайда иттер кезекшілік етеді, - дейді ШҚО ТЖД баспасөз қызметі.

Қыста түрлі көліктер қар құрасуында қалатын жағдайлар жиі кездеседі. Құтқарушылар ондай жағдайда не істеу керектігін еске салады.

- Алдымен маңайдағы жол белгілерін (болған жағдайда), молбильді құрылғыларды қолдану арқылы өзіңіздің орналасқан жеріңізді нақты анықтап алыңыз. Кейін бірден «112» нөмірі арқылы құтқарушыларға хабар беріңіздер, - деді мамандар.

Сондай-ақ алыс жолға шыққан кезде жанармай қорын толтырып алуға, артық жылы киімдерді алуға тырысыңыз. Құтқарушылар оқиға орнына жеткенше, көлікті оталып тұрғанда іші жылы болатынын ескеріңіз.