Шығыс Қазақстан облысынан Түркияға 35 тоннадан астам гуманитарлық көмек жиналды.

Түркия Республикасындағы оқиғаларға байланысты бүкіл әлем болып көмек көрсетіп жатыр. Осы ретте елімізде 8 ақпанда өңірлік волонтерлер фронт-офисі және «Бірге жақсылық жасаймыз» қоғамдық қоры ҚР Ақпарат және қоғамдық даму министрлігі мен Ұлттық волонтерлік желінің үйлестіруімен жер сілкінісінен зардап шеккендерге гуманитарлық көмек жинау туралы жариялады, деп хабарлайды Altaynews тілшісі.

Бүгінгі таңда 35 тоннадан астам гуманитарлық көмек жиналған екен: макарон өнімдері, көрпелер, ұйықтайтын сөмкелер, термостар, памперстер, жеке күтім құралдары, ересектер мен балаларға арналған жаңа қысқы киім, пальто-курткалар, жаңбыр жамылғысы, етік, етік, жемпір, шалбар, қолғап, шарфтар, бас киімдер, шұлықтар, іш киімдер және басқа материалдар.

Гуманитарлық көмек 15 ақпан күні бойынша Астана қаласына жіберіледі.