Шығыс Қазақстанда облысында заңсыз еңбек еткен шетелдік екі азамат ұсталды.

Олар енді ел шекарасын бес жылдан кейін ғана кесіп өте алады, деп хабарлайды Altaynews тілшісі.

Заң бұзушылардың бірі – Өзбекстан азаматы болып шықты. Ол Зайсан ауданында ұсталды. Екіншісі – Ресей азаматы, Шемонаихада қолға түсті.

«Олар Қазақстан Республикасына бес жылдан кейін ғана орала алады. Сондай-ақ жұмыс берушілерге шетелдік жұмыс күшін заңсыз тартқаны үшін 30 АЕК көлемінде айыппұл салынды», - деп мәлімдеді облыстық полиция департаменті.

Тәртіп сақшылары өңірде «Мигрант» жедел шарасын жүргізіп жатқанын айта кетейік.