«Қайсар-2023» әскери-патриоттық ойыны өтті – ШҚО
Өскемен гарнизонында 10-11 сынып оқушылары арасында патриотизмге және жоғары моральдық-психологиялық қасиеттерге тәрбиелеу, сондай-ақ жастар арасында әскери қызметтен жалтару үрдісін жоюға бағытталған "Qaisar" әскери-патриоттық ойындары өткізілді.
Сайыс барысында әр ауданнан жиналған командалар топтық және жеке топтық жетістіктеріне қарай бағаланды, деп хабарлайды Altaynews тілшісі.
Ойындардың басты мақсаты – жас ұрпақты әскери қызметшінің кәсібімен және әскери қызметтің қыр-сырымен таныстыру, әскери қызмет өткергеннен кейінгі жастардың болашағын түсіндіру, физикалық және рухани принциптерді, стандартты емес жағдайларда жылдам жауап беру дағдыларын жетілдіруге деген ұмтылысты қалыптастыру.
Оқушылар "Менің елім – Қазақстан" әскери-тарихи викторинасына қатысып, топтағы ұлдар кедергілер жолағын бағындырды. Сонымен қатар командалардың саптық дайындығы тексеріліп, ұлдар 3000 метрге, қыздар 1000 метрге жүгіріп жарысты.
Сайыс қорытындысы бойынша, бірінші орынды Алтай ауданының оқушылары иеленсе, 2 орынға Самар ауданының оқушылары ие болды, ал Тарбағатай ауданының оқушылары 3 орынға тұрақтады.
Айта кету керек, бұл жарыста үздік деп танылғандар республикалық жарысқа жолдама алады.