Бастауыш партия ұйымдары мүшелерімен кездесті
Шығыс Қазақстан облыстық мәслихатының депутаты, «AMANAT» партиясы фракциясының мүшесі Ербол Әбдіқалықов Азово бастауыш партия ұйымының мүшелерімен кездесу өткізді.
Жиын барысында «AMANAT» партиясының сайлауалды бағдарламасы түсіндіріліп, қатысушылардың тарапынан қойылған сұрақтарға жауап берілді, деп хабарлайды Altaynews тілшісі.
– Біз сіздермен бірлесе отырып, партиямыздың сайлауалды бағдарламасын жүзеге асыратын боламыз. Сонымен қатар сіздердің тараптарыңыздан түскен сұрақтар мен ұсыныстарды да ескеріп, жұмыс істейміз. Партияның сайлауалды бағдарламасы тікелей халықтың тарапынан түскен өзекті мәселелер арқылы жасалды. Бастауыш партия ұйымдары – біздің негізгі күшіміз, – деді Ербол Әбдіқалықов кездесу барысында.
Еске салар болсақ, жарналардың 20%-ын қайтару тәжірибесі 2022 жылдың наурыз айынан бастап «AMANAT» партиясын жаңғырту аясында қолданылып келеді. Бастауыш партия ұйымдарының басшылығы бұл қаражатты өздеріне қажетті мұқтаждықтарға жұмсауға құқылы.
Оқи отырыңыз
