ШҚО: 1-сыныпқа құжат қабылдау жүріп жатыр
Фото: ortalyq.kz
Қазіргі күні жалпы республика бойынша 1-сыныпқа қабылдауға 249 737 өтініш түскен.
Құжаттарды қабылдау 1 тамызға дейін жалғасады, деп хабарлайды Altaynews тілшісі Қазақпаратқа сілтеме жасап.
Оқу-ағарту министрлігі Орта білім комитетінің хабарлауынша, балалардың 70%-ға жуығы мемлекеттік тілде оқуды таңдаған.
- Құжаттарды қабылдау штаттық режимде жүргізіліп жатыр. Ата-аналар белсенді. Биылғы бірінші сыныпқа қабылданушылар арасында мемлекеттік тілде оқығысы келетіндер көп, – деді комитет төрағасының орынбасары Жомарт Қарамбаев.
Қазір бірінші сыныпқа қабылдау бойынша өтінімдердің жоғары көрсеткіштері Қызылорда (92%), Ұлытау (83,7%), Шығыс Қазақстан (78%), Маңғыстау (87,1%) Түркістан (79,8%) облыстарында байқалады.
Азаматтарға ыңғайлы болу үшін құжаттарды қабылдау мемлекеттік қызметі толығымен автоматтандырылған. 1-сыныпқа қабылдау Еgov.kz электронды үкімет веб-порталы арқылы жүзеге асырылады.
Оқи отырыңыз
