Өскемен гарнизонының әскери бөлімдері және ШҚО қорғаныс істер жөніндегі департаментінің әскери қызметшілерімен нашақорлықтың алдын алу тақырыбында кездесу ұйымдастырылды.

Шығыс өңірлік әскери-тергеу басқармасының Өскемендегі бөлімі қызметкерлері және облыстық наркологиялық диспансердің білікті наркологтары Өскемен гарнизонының әскери қызметшілерімен кездесіп, оларға түсіндіру жұмыстарын жүргізіп, нашаның зияны мен адамның әлеуметтік өміріне тигізетін теріс әсері жайлы әңгімеледі, деп хабарлайды Altaynews тілшісі.

Әскери полиция қызметкерлері есірткі құралдары мен психотроптық заттарды пайдалану, сату және сақтаудағы жауапкершілік туралы еске салды. Ал нарколог маман есірткіге деген тұрақты теріс көзқарас қалыптастыру мақсатында есірткі өнімдерің адам ағзасына қалай зиян тигізетініне тоқталды.

Нарколог маман әскери қызметшілерге салауатты өмір салтын ұстанудың маңызын және есірткіні қолданудың зиянын түсіндірді және есірткіні сақтау мен тарату жауапкершілігі туралы ескертті.