"Восток-Молоко" корпорациясы" ЖШС басшылығы Ұлан ауданындағы Украинка ауылының Мәдениет үйін өз қаражаты есебінен жөндеп шықты.

Қазір Украинканың аудан орталықтарында бола бермейтін Мәдениет үйі бар, деп хабарлайды Altaynews тілшісі.

Украинка ауылы қазір бизнестің халықпен табысты кері байланысының үлгісі болып табылады. Мұнда көптеген жылдар бойы өсімдік және сүт шаруашылығымен айналысатын шаруа қожалығы жұмыс істеп келеді. 2023 жылдың 6 айында тауарлы-сүт фермасы 650 тоннадан астам сүт өндіріп, өңдеуге тапсырды. Шаруашылық "Восток-Молоко" корпорациясының құрылымына кіреді.

Осы жылдың қыркүйек айында компания ауылдық Мәдениет үйінің қайта жаңартылған ғимаратын ашады. Жаңа жиһаз сатып алынды, LED экранын орнату жоспарлануда, аумақты абаттандыру жүргізілуде. Мұнда кітапхана және фельдшерлік-акушерлік пункт іргелес орналасқан.

Ауданға жұмыс сапары барысында өңір басшысы мекемеге барып, жергілікті дүкенге тоқтады. Ассортиментпен танысқан Ермек Көшербаев ұсынылған азық-түлік тауарлары негізінен өңірлік немесе қазақстандық өндірістен екенін атап өтті.