Республика күнін мерекелеу аясында еліміздің түкпір-түкпірінде «Жаңа Қазақстан. Таза табиғат» республикалық экологиялық акциясы өтті.

Шығысқазақстандықтар аталмыш экологиялық акция аясында сегіз тоннаға жуық қоқыс жинады, деп хабарлайды Altaynews тілшісі.

«Жаңа Қазақстан. Таза табиғат» республикалық акциясына мемлекеттік органдар, үкіметтік емес ұйымдар, экологиялық қозғалыстар мен бірлестіктер, облыстың қалалары мен аудандарының депутаттары, «Қазақстандық "Байтақ" жасылдар партиясы" ҚҚ ШҚФ, Amalaya Project және біздің өңірдің тұрғындары қатысты. Ірі өнеркәсіптік кәсіпорындар қалалар мен аудандардың әкімдіктерімен бірлесе отырып рұқсат етілмеген қоқыс үйінділерін жою іс-шараларын жүргізді. Сондай-ақ өздерінің өндірістік алаңдары мен СҚА аумағында сенбілік өткізген.