Арнайы техникалардың қысқа дайындығы тексерілді – ШҚО
Фото: atpress.kz
Әкімшілік полиция басқармасының қызметкерлері жол және коммуналдық ұйымдардың қысқы кезеңге дайындығын, техникалардың жарамдылығы мен көктайғаққа қарсы материалдарды тексерді.
Айта кету керек, қазір өңірде жолдарды тазарту үшін 830-дан астам арнайы техника, оның ішінде Өскемен қаласы бойынша «Таза Өскемен» коммуналдық кәсіпорнында 92 бірлік техника әзірленген, деп хабарлайды Altaynews тілшісі.
Барлық қысқы техника қалалар мен аудандардың климаттық ерекшеліктеріне байланысты республикалық және жергілікті маңызы бар жолдарда, сондай-ақ өңірдің елді мекендерінде біркелкі бөлінген.
- Коммуналдық қызметтер 15 000 текше метрден астам көктайғаққа қарсы материал дайындады. Жалпы ұзындығы 144 шақырым болатын 75 қарлы учаскеде уақытша жол белгілерін, сигналдық белгілер мен қар ұстайтын қалқандарды орнату жұмыстары жалғасуда. Полиция департаменті мен қызмет көрсету ұйымдары қарлы учаскелерді жою бойынша қосымша ұсыныстар дайындады, - дейді ШҚО ПД баспасөз қызметі.
Аталған шара жол-көлік оқиғаларының санын азайтуға бағытталып отыр.
- Құрметті жүргізушілер, сіздерден жол ережесін қатаң сақтауды, алдағы қысқы кезеңде жол қауіпсіздігін сақтау үшін автомобильдер мен доңғалақ шиналарын алдын ала дайындауларыңызды сұраймыз, - дейді тәртіп сақшылары.
Оқи отырыңыз
