Полиция жүргізушілерді көліктерін қысқы кезеңге дайындауға шақырады – ШҚО
Фото: egemen.kz
ШҚО-да күн суыта бастады. Синоптиктердің болжамы бойынша, алдағы күндері алғашқы қар жаууы мүмкін.
Полицейлер көлік жүргізушілері мен жаяу жүргіншілерге осы күндері жолда мұқият болуды ескертті, деп хабарлайды Altaynews тілшісі.
Сондай-ақ тәртіп сақшылары жүргізушілерге қысқы кезеңге дайындалып, дөңгелектерін ауыстыруға шақырады.
- Өңірде алғашқы қар жауғанға дейін көлік дөңгелектерін ауыстырып алу керек. Ең бастысы - жол ержесін қатаң сақтауға шақырамыз. Сонымен қатар облыс орталығындағы Защита жол өтпесінде тіркемелері (жартылай тіркемелері) бар көлік құралдарының қозғалысы үшін уақытша шектеулер енгізілетінін де хабарлаймыз. 1 қарашада тиісті белгілер орнатылады, - дейді ШҚО ПД жол-техникалық инспекциясы бөлімінің бастығы Сергей Коваленко.
Полиция қызметкерлерінің айтуынша, коммуналдық қызметтер алдағы қысқы кезеңге дайын. Жолдарды толтыруға арналған инертті материал жеткілікті мөлшерде қол жетімді.
Оқи отырыңыз
