Сыртқы істер министрлігі Газа секторынан қазақстандықтарды эвакуациялау басталғанын хабарлады.

Сыртқы істер министрлігінің ресми өкілі Айбек Смадияровтың айтуынша, бүгін, 13 қарашада 44 адамды, оның ішінде 40 Қазақстан азаматын эвакуациялау жоспарланған. 4 адам олардың отбасы мүшелері, шетел азаматтығын алған.

Эвакуацияланғандар қатарында біздің елден бөлек тағы 9 елдің, соның ішінде Марокко мен АҚШ-тың өкілдері бар.

Шығу Рафак өткізу пункті арқылы жүзеге асырылады.