Өскемен тұрғыны Ертіс жағалауындағы қоршаудан құлап кетті
шартты сурет
Облыс орталығының тұрғыны Ертіс жағалауындағы қоршаудан құлап кетті.
Оның есінен танып жатқанын байқаған қала тұрғындары құтқарушылар мен жедел медициналық жәрдем қызметкерлеріне хабар берген, деп хабарлайды Altaynews тілшісі.
- Оқиға Новаторлар және Қабанбай батыр көшесінің қиылысында болған. Құтқарушылар парапеттен құлаған қала тұрғынын зембілмен алып шығып, «жедел жәрдем»қызметкерлеріне тапсырды, - деп мәлімдеді ШҚО ТЖД.
Облыстық денсаулық сақтау басқармасының өкілдері зардап шеккен адамның жағдайы туралы айтты.
- Қала тұрғыны облыстық мамандандырылған медициналық орталыққа жеткізілген. Мамандар бассүйек-мидің ашық жарақат деген диагноз қойды, – деп мәлімдеді басқарманың баспасөз қызметі.
Оқи отырыңыз
