Шығыс жауынгерлері сайысқа түсті
«Шығыс» өңірлік қолбасшылығы бойынша жауынгерлік қызмет үздіктері анықталды.
3477 әскери бөлім базасында екі күнге созылған жарысқа Павлодар, Өскемен, Семей, Курчатов қаласында орналасқан жеті әскери бөлімнен қырықтан астам жауынгер қатысты. Барлығы бірдей дене шынықтыру және атыс дайындығы, автомат құрастыру, саптық жүріс сынды сынақтарды тапсырып, тәжірибелік дағды, теориялық білім деңгейлерін көрсетті.
«Мамандар арасынан кім мықтыны анықтау жоғары кәсіби шеберлікті талап етеді. Өйткені әрбір әскери бөлімің жауынгерлері дәстүрлі шараға тың серпін қосуда. Ұйымдастырылған іс-шара жауынгерлік қызмет атқарудың үздік үлгілерін насихаттау және озық тәжірибені жинақтауды көздейді», - дейді «Шығыс» өңірлік қолбасшылығының жауынгерлік қызмет бойынша басқармасының бастығы полковник Еділхан Аймағамбетов.
Сайыс аталымдарының басым бөлігіне 6679 бөлімінің әскери қызметшілері ие болды. Жеңімпаздар мен жүлдегерлерге арнайы төсбелгі, мадақтау қағазы мен бағалы сыйлықтар табысталды.
Оқи отырыңыз
