Құтқарушылар көлікке қамалып қалған бір жастағы балаға көмекке келді, деп хабарлайды Altaynews.kz тілшісі.

Оқиға Өскемендегі Бульвар Гагарин көшесінде болған. «Шевроле Нексия» маркалы көліктің есігі абайсызда жабылып қалған көрінеді. Оқиға орнына жедел жеткен облыстық төтенше жағдайлар департаментінің қызметкерлері арнайы құралдардың көмегімен көліктің есігін ашып, балақайды құтқарды.

ШҚО ТЖД мамандары ата-аналарға қарапайым қауіпсіздік шараларына мұқият болып, балаларды бір сәтке қараусыз қалдырмауға шақырады.