– Риддер жылу электр орталығындағы жағдайды күнде таңертең біліп, қадағалап отырамын. Қазір орталық қалыпты жұмыс істеп тұр. Жылу температурасы да нормаға сай. Алдағы уақытта магистральды жылу желілерін жөндеу жалғасады. Ал үйлерді жылу қабылдауға дайындау, құбырларды ауыстыру ол – тұрғындардың міндеті. Кейбір үйлер қысқа дайындалмаған. Риддер тұрғындары судың айналымын жақсарту үшін сорғыларды қолданады. Бұл өзге үйлерге баратын жылудың қысымын азайтып тастайды. Соның салдарынан температура төмендейді. Біз қазір мұндай әрекеттерге жол бергізбеу үшін тиісті жұмыстар жүргізіп жатырмыз, – деп түсіндірді аймақ басшысы Ермек Көшербаев.