Облыс орталығында үрмелі оркестрлер фестивалі өтеді. Бұл туралы мәдениет басқармасының басшысы Нұрболат Ахметжанов орталық комуникациялар қызметінің алаңында болған баспасөз мәслихаты барысында айтты, деп хабарлайды Altainews.kz тілшісі.

Жалпы, облыстық мәдениет басқармасының бастамасымен бүгінге дейін бірқатар ауқымды іс-шара ұйымдастырылды. Соның ішінде «Алтай-түркі әлемінің алтын бесігі» атты халықаралық ғылыми-тәжірибелік конференция мен «Абай әлемі» кітаптар шығарылымын атап айтуға болады. Енді басқарма өкілдері үрмелі оркестрлер фестивалін қолға алды.