ШҚО-да есірткі жарнамасын таратқан ерлі-зайыптылар ұсталды
Фото: polisia.kz
Шығыс Қазақстан облысында есірткі жарнамасын таратқан ерлі-зайыптылар ұсталды.
Күдіктілер 4 жылға дейін бас бостандығынан айырылуы мүмкін, деп хабарлайды Altainews.kz тілшісі.
«Жедел іздестіру іс-шаралары барысында полицейлер екі күдіктіні ұстады. Олар облыс орталығының шағын аудандарының бірінде есірткі заттарын сатумен айналысатын сайттардың жарнама парақшаларын жапсырған. Оларды жедел уәкілдер қылмыс үстінде ұстады. Заттай дәлел ретінде 41 жастағы ер адам мен оның 28 жастағы жұбайынан есірткі жарнамасы бар жапсырмалар тәркіленді», - деп хабарлады ШҚО Полиция департаменті.
Күдіктілердің айтуынша, олар жапсырған парақшалар тыйым салынған препараттар сататын интернет-дүкендер туралы ақпарат беретіндігін білмеген. «Жұмыс берушіден» тапсырма алған әйел брошюраларды қала бойынша желімдеу керек болған. Еңбек жағдайымен келіскен ол өзімен бірге баруға күйеуін шақырады.
Қазіргі уақытта күдіктілерге қатысты есірткі, психотроптық заттар мен олардың аналогтарын тұтынуға тартқаны үшін қылмыстық іс қозғалды. Ерлі-зайыптыға 4 жылға дейін бас бостандығынан айыру жазасы қолданылуы ықтимал.
Оқи отырыңыз
