"ҚазАвтоЖол" ҰК" АҚ көлік жүргізушілері үшін республикалық маңызы бар ақылы жолдарды онлайн режимде көрсететін ақпараттық сервисті іске қосты, деп хабарлайды Altainews.kz тілшісі.

Енді қолданушылар Kaztoll.kz сайты арқылы нақты уақыт режимінде жолдардың жағдайын бақылай алады.

Бұл жаңа сервис сапар кезінде уақытты үнемдеуге және қолайлы жағдайды қамтамасыз ету үшін таптырмас құрал болмақ. Ақылы жолдардың онлайн көрсетілімінің арқасында жүргізушілер кептелістердің алдын алып, уақыттарын үнемдеп, сапарларын ыңғайлы әрі қауіпсіз етіп жоспарлай алады.

Жолдардағы онлайн көрсетілім тек көлік жүргізушілерге қолайлы жағдайды жасап қана қоймай, сонымен қатар жол қауіпсіздігін арттыруға бағытталмақ. Жолдардың жағдайы туралы ақпарат жол-көлік оқиғаларының санын азайтуға, барлық жол қозғалысына қатысушылар үшін сапарларын қауіпсіз әрі болжамды етуге көмектеседі.

Осылайша, "ҚазАвтоЖол" ұсынған ақылы жолдардағы онлайн көрсетілім көлік жүргізушілері үшін жаңа мүмкіндіктерді ашып, жол инфрақұрылымының сапасын арттыруға септігін тигізеді.