19 маусымнан бастап ақылы жолдарда дифференциалды тариф енгізілді, деп хабарлайды Алтайньюс тілшісі.

Бұл туралы ақпарат "ҚазАвтоЖол Ұлттық компаниясы" акционерлік қоғамының ресми сайтында жарияланды.

- 2019 жылғы 19 маусымнан бастап барлық ақылы жолдарда ҚР Инвестициялар және даму министрінің 24.12.18 ж. №902,903,904 бұйрығына, Индустрия және инфрақұрылымдық даму министрінің 27.05.2019 ж. №331 бұйрығына сәйкес, төлем қабылдау пункттерінде өткізу қабілетін арттыру, көлік құралдарының кептелісін болдырмау, көліктердің жедел жүруін қамтамасыз ету және уақытты үнемдеу мақсатында жол жүру ақысына дифференциалды тариф енгізіледі, - деп жазылған хабарламада.

Бұл нені білдіреді? Енді жеңіл автомобильдер үшін жолақысын қолма-қол төлеу екі есе қымбат болмақ. Ал, жол ақысының жартысын ғана төлегіңіз келсе, төлем жасаудың төмендегі түрлерін таңдап, алдын-ала ақшаны салып қою керек. Сонда дифференциалды тарифте көрсетілген соманың жартысын ғана төлейсіз. Жүк көлік құралдары үшін төлем ставкалары өзгеріссіз қалады екен.

 Ақылы жол учаскелерінің бағасы:

• Нұр-Сұлтан- Щучинск (бір бағытта: қолма-қол төлеу – 400 теңге, алдын ала «онлайн» төлеу – 200 теңге)

• Нұр-Сұлтан-Теміртау (бір бағытта: қолма-қол төлеу – 400 теңге, алдын ала «онлайн» төлеу – 200 теңге)

• Алматы – Қапшағай (бір бағытта: қолма-қол төлеу – 200 теңге, алдын ала «онлайн» төлеу – 100 теңге)

• Алматы-Қорғас (бір бағытта: қолма-қол төлеу – 600 теңге, алдын ала «онлайн» төлеу – 300 теңге)

Төлем жасаудың түрлері:

• Payway.kz

• Интернет-банкинг: Kaspi bank, Halyk bank, Сбербанк, Eurasian Bank, Capital Bank, АТФ Банк

• Терминалдар: QIWI, Касса 24, CyberPlat, Tenge, Payway.kz

• Касса 24 электрондық әмияны, QIWI, Wooppay, Salempay

• Телефон теңгерімінен (Beeline *505#; Beeline, Activ, Kcell SMS 5505 форматындағы «жол ақы» «жол жүру» «көліктің мемлекеттік нөмірі»)

• Кazdriver Қосымшасы

• Заңды тұлғалармен шарт жасату.