Облыс әкімі Даниал Ахметов Зайсан ауданына жұмыс сапарымен барып, келісімен ауданның жаңа әкімі таныстырды, деп хабарлайды Алтайньюс тілшісі.

Депутаттардың келісімімен Зайсан ауданының жаңа әкімі болып Дулат Қажанов тағайындалды.

-        Ол - Зайсан ауданының тумасы, осы жерде еңбегін бастаған, басқару жұмысында да жақсы тәжірибесі бар азамат. Оның алдында қазір бірқатар міндеттер тұр - құрылыс, абаттандыру, сумен және газбен қамтамасыз ету. Сондай-ақ, Зайсан ауданының жұртшылығымен кездесу өткізіп, ел Президенті Қасым-Жомарт Кемелұлы Тоқаевтың Жолдауын талқыладық, - деді облыс басшысы.

Қажанов Дулат Зайсанбекұлы 1984 жылдың 15 маусымында Зайсан қаласында дүниеге келген. 2007 жылы С.Аманжолов атындағы Шығыс Қазақстан мемлекеттік университетін «Мемлекеттік менеджмент және жергілікті басқару" мамандығы, 2011 жылы "Экономика" мамандығы бойынша тәмәмдаған. 2007-2009 жылдары - Шығыс Қазақстан облысының кәсіпкерлік және өнеркәсіп Департаментінің кәсіпкерлікті дамыту бойынша мемлекеттік саясатты іске асыру бөлімінің жетекші маманы, 2009-2010 жылдары - Шығыс Қазақстан облысы әкімі аппаратының ұйымдастыру-инспекторлық бөлімінің агроөнеркәсіп және өндіріс кешенін талдау секторының бас маманы, 2010-2013 жылдары - Шығыс Қазақстан облысы әкімінің көмекшісі, 2013-2018 жылдары – Шығыс Қазақстан облысы Ұлан ауданы әкімінің орынбасары, 2018 жылдың 13 қыркүйегінен бастап, Шығыс Қазақстан облысы Күршім ауданының әкімі лауазымдық қызметтерін атқарған.