Бала құқықтары жөніндегі өңірлік уәкілдердің мәртебесі бекітіледі
Орталық коммуникациялар қызметінен
Қазақстанда 16 маусымнан бастап әйелдер құқықтары мен балалардың қауіпсіздігін қамтамасыз ету туралы заң күшіне енеді.
Мұнда бала құқықтары жөніндегі өңірлік уәкілдердің мәртебесін заңнамалық тұрғыдан бекіту көзделген, деп хабарлайды Altainews.kz тілшісі ОКҚ ақпаратына сүйеніп.
2022 жылдан бастап еліміздің 20 өңірінде өңірлік уәкілдер жұмыс атқарып келеді.
ҚР Оқу-ағарту министрлігі Балалардың құқықтарын қорғау комитеті төрағасының орынбасары Юлия Овечкинаның айтуынша, өңірлік уәкілдер ҚР Бала құқықтары жөніндегі уәкілімен тығыз байланыста жұмыс істейді.
Бала құқықтары жөніндегі уәкілдің құзыретіне «111» байланыс орталығының қызметін үйлестіру, сондай-ақ мемлекеттік және қоғамдық институттармен өзара іс-қимылын ұйымдастыру кіреді.
