Өскеменде ертеңнен бастап арнайы мобильді топтар карантиндік іс-шара талаптарының сақталуын қатаң бақылайтын болды, деп хабарлайды Алтайньюс тілшісі.

Бұл туралы мемлекеттік санитарлық-эпидемиологиялық қадағалау басқармасының балалардың білім беру нысандарын санитарлық-гигиеналық қадағалау бөлімінің басшысы Аида Ақынова мәлімдеді. Жұмыс топтарының құрамына әкімдік пен полиция қызметкерлері, санитарлық-эпидемиологиялық қызмет, «Nur Otan»  партиясы және қоғам өкілдері кіреді. Мобильді топтардың міндеті – қолданыстағы қаулылар мен санитарлық ережелердің бұзылуына жол бермеу.