23 наурыздан 26-сына дейінгі аралықта ауа температурасы жоғарылап, жауын-шашын болады, соның салдарынан су деңгейі көтерілуі әбден мүмкін.

«Қазгидромет» РМК Шығыс Қазақстан облысы бойынша филиалы дауылды ескерту бойынша хабар таратып отыр. Хабарламада көрсетілгендей, 23-26 наурыз аралығында қатты жауын-шашын орын алып, күн жылын түспек.

Мұндай ауа-райы мұз қабатының еріп, өзендердің ернеуінен асуына, су деңгейінің көтерілуіне алып келетіні белгілі. Сондықтан облыс тұрғындары бұл ескертуге назар аударып, қауіпсіздік шараларын қолданғандары абзал.