8-қарашада Шығыс Қазақстан облысы ІІД Әкімшілік полиция басқармасы «Нұр Отан» ХДП-мен бірлесе отырып «Өскемен-Қайсенов-Қалбатау» бағдары бойынша «Жолда қабылдау» акциясын өткізеді, деп хабарлайды Аltaynews.kz тілшісі.
Делегация мүшелері 10-12 сағат аралығында Қ.Қайсенов кентінде, 15-17 сағат аралығында Қалбатау кентінде жұмыс істейді.
Акция шеңберінде мемлекет саясатын, Қазақстан Республикасы Президентінің Жолдауын түсіндіруге бағытталған іс-шаралар өткізіледі, сондай-ақ тұрғындарға құқықтық және консультативтік көмек көрсетілмек.
Әкімшілік полициясы басқармасының, «Нұр Отан» ХДП-ның Шығыс Қазақстан филиалы, қоғамдық ұйымдар мен мемлекеттік құрылымдардың басшыларының азаматтарды қабылдауы жоспарланып отыр.
Акция барысында әкімшілік полициясы қызметкерлері азаматтар арасында заңдылық пен конституциялық құқықтарды сақтау мәселелері жөнінде сауалнама жүргізеді.