Шығыс Қазақстанда жыл басынан бері жаяу жүргіншілердің қатысуымен 446 жол-көлік апаты тіркелді. Жол оқиғасында 35 жаяу жүргінші бақилық болса, тағы 447 адам әртүрлі жарақат алған, деп хабарлайды Аltaynews.kz тілшісі.
Жол сақшыларының талдауы бойынша, 145 жол-көлік апаты жүргізушілердің жаяу жүргіншілер жүретін жерде жол ережелерін сақтамауынан орын алыпты. Соның салдарынан 5 адам қайтыс болды, 153 жаяу жүргінші зардап шекті. 94 жол-көлік апаты жаяу жүргіншілердің кінәсінен болғаны анықталды.
Облыстық жол полициясы басқармасы жүргізушілерден жаяу жүргіншілер жүретін жерде әсіресе қария адамдар мен балаларды байқаған сәтте өте абай болуды сұрайды. Өйткені балалардың іс-әрекеттерін болжау мүмкін емес.