Көшпенділер ойындарында жүлделі болған шығысқазақстандықтар оралды
Өскемендіктер Астанада өткен V Дүниежүзілік көшпенділер ойындарында күміс және қола қанжығалаған қос аруды қарсы алды.
Бүгін Шығыс Қазақстан облысының орталығындағы әуежайда көшпенділердің дәстүрлі ойындарынан өткен олимпиадада жүлделі орындарға ие болған спортшыларды салтанатты түрде қарсы алды, деп хабарлайды Altainews.kz тілшісі.
Байрақты бәсекеде жерлестеріміз дәстүрлі садақ атудан командалық сайыста Ажар Төлеуқанова күміс жүлдеге, ал мас-рестлингтен командалық сайыста Тахмина Қожамбердиева қола жүлде алды.
- Көшпенділер ойындарындағы басты қарсыластарым – Қырғызстанның спортшылары болды. Бұл ойында қола қанжығаладым, бірақ келесі ойындарда бұдан да жақсы дайындалып, алтын алуға тырысамын, - деді Тахмина Қожамбердиева.
Ал еліміздің садақшылар командасында ойынға қатысуға лицензия алған төрт бұрымды болса, соның бірі біздің жерлесіміз Ажар Төлеуқанова еді.
- Дәстүрлі садақ атудан шешуші сайыста итальяндық спортшылармен сынға түсіп, 7:0 есебімен басым түстік. Ал алтын үшін Австрия садақшыларымен сайыстық. Бүкіл қазақ елі тікелей эфирден біздің спортшылардың жақсы нәтиже көрсеткенін тамашалады. Бірақ жамбы нысанасы өте кішкентай және жел соғып қозғалып тұрды. Бізге сәл сәттілік жетіспеді, жебелер тигенімен тайқып кетіп, құлап қалып жатты, - деді Ажар Төлеуқанова.
Фото: Махаббат Ахметжанова
Оқи отырыңыз
Қазақстан құрамасы – жамбы нысанасы бойынша садақ атудан Дүниежүзілік көшпенділер ойындарының күміс жүлдегеріV Дүниежүзілік көшпенділер ойындары: Қазақстан медальдар кестесінде көш бастап тұрЖерлесіміз Ажар Төлеуқанова садақ атудан ДКО бақ сынамақКөшпенділер ойындары: Шығыс спортшылары қандай сайыс бойынша сынға түседі?Көшпенділер ойындары: жерлесіміз қолаға қол созды
