Шығыс Қазақстан облыстық аурухананың мамандары ауыл тұрғындарына кеңес беру-практикалық көмек көрсету мақсатында аудандарды аралауға шықты, деп хабарлайды Аltaynews.kz тілшісі.
Бұл шара Елбасымыз Нұрсұлтан НАЗАРБАЕВТЫҢ Жарлығымен бекітілген «2011-2015 жылдарға арналған «Саламатты Қазақстан» денсаулық сақтауды дамытудың мемлекеттік бағдарламасын жүзеге асыру және жыл сайынғы кең ауқымды «Денсаулық жолы» акциясы аясында қолға алынып отыр.
Облыстағы бас аурухананың дәрігерлері: облыстық денсаулық сақтау басқармасының бас жасөспірімдер терапевті, хирург-травматолог, окулист, торакальді хирург, дәрігер-зертханашы, невролог сынды мамандар Глубокое, Жарма, Көкпекті, Шемонайха, Үржар, Аягөз, Катонқарағай аудандарында болмақ.