ШҚО-да кесілген ағаш мотоциклмен жүріп бара жатқан адамның үстіне құлаған, деп хабарлайды Аltaynews.kz тілшісі ШҚО ІІБ баспасөз қызметіне сілтеме жасап.

Ағымдағы жылдың 08-шілдесінде Глубокое ауданында ағаш кесумен айналысқан 36 жасар Ш. атты азамат ауыл арасындағы жолда ағаш кесу қауіпсіздік техникасы ережелерін бұзып, жолға жақын жерде ағаш кесуді жүзеге асырған.

Ш. салдыр-салақтығы нәтижесінде кесілген ағаш «ИЖ» мотоциклінде жол бойында келе жатқан 57-жасар А. есімді азаматтың үстіне құлаған. Алынған дене жарақаттары салдарынан А. оқиға орнында қаза тапқан.

ҚР ҚК 101-бабының 1-бөлігі бойынша қылмыстық іс қозғалған. Тергеу жүргізілуде.