Глубокое кентінде жеке меншік үйде шыққан өрттен екі адам құтқарылды, деп хабарлайды Аltaynews.kz тілшісі облыстық ТЖ департаментінің баспасөз қызметіне сүйеніп.

Глубокое кентінде жеке меншік үйдің төбесі, терезе жақтаулары, ішіндегі жиһаздары отқа оранған. Өрт сөндірушілер келгенше тілсіз жау Преживальский көшесіндегі тағы бір жеке меншік үйді шарпып үлгерді.

Бұл үйдің моншасы, қора-қопсысы жанып кетті. Тілсіз жаудан екі адамның өмірі құтқарылды.

Өрттің шығу себептері анықталуда. Әдейі өртеген немесе абайсызда шыққан деген болжамдар тексеріліп жатыр.