Семейде қала ардагерлері үшін компьютер сыныптарын ашу, олардың спортпен айналысуына жағдай жасау мәселелері қарастырылуда, деп хабарлайды Аltaynews.kz тілшісі Семей қаласы әкімінің баспасөз қызметіне сүйеніп.

Бұл жөнінде Достық үйінде Елбасы Н.Назарбаевтың «Қазақтан-2050» - қалыптасқан мемлекеттің жаңа саяси бағыты» атты Жолдауы бойынша ақпараттық-насихат тобы мен қаладағы ұлттық мәдени орталықтардың жетекшілері өткізген дөңгелек стол барысында белгілі болды.

Сонымен қатар, жиналғандар басқарушы органдар мен БАҚ өкілдері арасында ашық та тұрақты байланыс орнату, ұлттық киімдер мен әшекейлер жасайтын адамдардың жобаларын қаржыландыру көздерін табу жөнінде әңгіме қозғады.